لا تتزوجي هاذا نوع من الرجال⛔
## لا_تتزوجي 💜 قبل ما نبداو، أنا ماشي ضد الزواج، انا ماشي ضد الحب و لكن ضد الاختيارات الغير معقلنة، ما كنحملش نضيع الوقت مع شي حد ما كيستاهلش، حيت عزيز عليا راسي و كانخاف على راسي و على مشاعري، اللي ما مسلكش راه ما مسلكش، بكي 3 ايام و نوضي توكدي و لا تبكي حياتك كاملة (واصلا لاش نبكي ݣاع اش يكون فملك الله 😒) مهم وما تقدري ديري والو حيت فالاخر غيقولو ليك واليديك نتي اللي اختاريتي، تحملي نتيجة اختياراتك 😑 📍و للإشارة: الرجل المثالي ما كاينش، ما كاااااينش، كيفما ما كايناش المرا المثالية، كلنا عندنا عيوب و الانسان بطبيعتو خطأ، و لكن كاينين شي حوايج ايلا كانوا ف شريك حياتك، غادي تصعاب عليك العيشة معاه، غينقص داك الحب و الاهتمام تدريجيا و غتلقاي راسك،انسانة باردة، فاقدة للحياة و بدون مشاعر و مالنا على هاد القرع نمشطو ليه راسو 🐸 ؟ عندك يا لالة 🤔 : 🔅الكذاب: غالبا هاد الماركة كاتعطي بزاف ديال الوعود الكاذبة، كايكذب فكلشي و اي حاجة كيفما كانت، و بطبيعة الحال البنت كاتعيق و كتحصل الكذبة من بعد و كتسكت و ايلا صارحاتو كايغمق عليها بزوج كليمات اخرين وكاتيق الى حين اكتشاف كذبة جدي...
