كيفاش تخلي راجلك يموت فيك💜
الراجل تايبغي المراة لي تهتم بيه وتلبي ليه متطلباااتو وكيما كايكولو لا بغيتي تكسبي الراجل كرشو وفراشو هههه ويلا خطاوك هاد الجوج غا كولي لو باي باي 😩 تبقاي ديما تديها فراسك ديما كوني زوينة ماشي تكوني طالقا شعاكك وسنانك صوفر ووجهك باااهت ومافيك مايتشاف راه أنا ومانحمل نشوف فيك (غي ضاحكة بلا دفييع ههه ) راه نتي زوينة نتي بلارة ♥♥ غي خصك تديها فرااسك دوري براسك شوية حلي معايا دماغك مزيان سيري لداك الماريو عندك خوي باباه كولو آه خويييه شوفي الشراوط لي عندك أكيد عندك داكشي بحال ديال جدتي لوحي عليا داكشي ولا سيري صدقييه ونتي غاتحاولي تشري شي حاجة أنيقة وزوينة عنداك تشوفي أنيقة ويتحلو ليك العينين ننن أ حبيبة غاتقتاصدي سيري لشي جوطية راه كايكونوا فيها حوايج غزالين آه جوطية مالها كيجاتك راه عيالات لاباس عليهم وكامشيو لتما علاش :O حيث تقدري طيحي على شي بياسات وااعريين وبأقل ثمن بقشي حتى نتيا وشوفي فيا دي شي حاجة تكون أنيقة ومغرية عنداك تفقصيني وتدي بحاال الحوايج دجداتي ثاني نن داكشي مامعاناش تقدري تدي شي بياسة مخييييرة وماتفوتيش فيها 30dh اييييه إوا شتي آش كلت ليييك سيري لبلاصت صبابط وشوفي ليك شي طالونات مناسبين مع الكساوي لي شريتي ومنبعد شري شي شوميزات دونوي هادو أ يكونوا أكيد فالمحلات تشاطري حتى نتيا وماتهناي وماتفاكي مع مول المحل تاتدي باباها بالنص الثمن دبا وقت مول الماكياج غادي تدي كاع داكشي لي غادي تحتاجي إيلا ماكنتيش كاتعرفي ديري الماكياج ساهلة خودي غي فو ندوتان ؛ ايلاينر ؛ فاراجو ؛ وماسكارا ؛ وخودي عكاار ويكونوا غامقين شوية دبا غادي يخصك دوزي الحمام تفركي عليا ديك الحالة إيلا بغيتي تقتاصدي سخني دوش مزيااااااان وهانا يا الالة أ نعطيك وصفة ديريها قبل الحمام بشي ساعة المكونات : 6 ملاعق عصير ليمون + ملعقة كبيرة نشا + ملعقة كبيرة فازلين + ملعقة كبيرة زيت زيتون + ملعقة كبيرة كريم جلسرين + ملعقة كبيرة ماء ورد .
#الطريقة : تخلط جميع المقادير ، و يوضع الخليط على الجسم قبل الاستحمام بالساعة. يساعد الخليط في تبييض الجسم . هانا تهليييت فيك وبالنسبة لديك الكحولية لي عندك لتحت ومعقدااك ديري ليها الحامض ودهني تما من بعد ماتخرجي غادي تمشي لستيتيك لي كايحيدو الزغب حيدي عليا داك الشعر كولو حتى تنقاااي كاملك إوا دابا يا الحبيبة غادي تشري شي شمووع حمرين وورد حمر وزلعيييه فدار اليوما خصكي تعولي على خزيييت وصاوبي شي كيكة وشي عصيير وشوفي ديري عصير الأفوكا راه مزيااان ;) دابا جا الوقت باش توجدي راسك سربي راسك المصيبة الراجل قرب يدخل خصك تزعزي لباباه لي سونتيمون دخلي لبسي شي كسيوة من هدوك لي شريتي وشي صباط وصاوبي وجهك وصاوبي شعرك مزياااان وديري ليه شي شديدة ولا خليه مطلوق على راحتو مهم نتي وكانتك ها الراجل دخل طلقي شي أغنية تكون هادئة وسيري سلمي♥♥ عليه عارفا أ يكون حال فمو ولكن هادشي غي من الصدمة أ حبيبة حيث مولف أ يشوفك مشكودرة دابا مايسخاش يخرج من الدار .
#ثانيا : تبقااااي تعلمي الوصفات ديريهم يعني ماتبقااايش تديها فيه بزاف ديها فيه ماشي همليه إنما منين كاتدفعي عليه كبير شوية واغي شوية آهيا تا ماشي بزاف تايولي هو تابعك وواخا تكوني غي كاتشقاي جمعي شعرك على شكل ذيل حصان وشي كسيوة تكون خفيفة وداكشي يكون مغري راه غي راجلك هاداك المصيبة ماتحشميش وحاولي تكوني جرييئة معاه وشوفي ماتبقايش عليا لاواه حشوما لاواه تانحشم ننن الحشمة كولي ليها باي باي ياك راجلك ياك حلالك ياك داكشي على سنة الله ورسووله إوا تبتي معايا ولا تجي شي موسخة حاشا وجهكم وتديه ليك وكولي ليا تما حشومة ونتمنى ليك حياة سعيدة الزيين ♥♥♥
نتمنى تكونو استفدتو🌹
تعليقات
إرسال تعليق