كيف تكونين سعيدة؟

طريقكي للسعادة .. 😍

- تيقي بالله بزاف وعرفي أنه هو الوحيد لي يقدر يفرحك ويعاونك ويحقق ليك أي حاجة بغيتيها
- بغي راسك .. بأدق التفاصيل لي فيك وحتى بهاداكشي الخايب ولكن بلا غرور 😌
- شري لراسك الشكلاط والمارشميلو ودوك القلوبة لي كتكون فوقهم سانيدة هههههه معرفت أش سميتهم 😂
- متسنايش شي حد يديرليك شي حاجة .. دللي راسك :)
- سمعي للقرآن قبل متنعسي بصوت شي شيخ صوتو كيعجبك ايلا كنتي مقدرتيش تقرايه 💙
- خودي وقت كلسي فيه مع راسك سدي فيه الفيسبوك والواتساب وديري mode avion كاع ووجدي ليك شي كاس دالقهوة أتاي عصير حليب لي كيعجبك ولبسي شي بيجامة عزيزة عليك وهزي شي رواية ولا تفرجي فالرسوم ولا سكيتش ولا شي برنامج كيعجبك واستمتعي بوقتك 😍 🍵
- هزي بورطابلك ومسحي منو كاع النوامر  ديال شي حد معصبك ولا كضيضرك ولا كيتعطل عليك ولا غا رشقات ليك عليه مسحيهم وباراكا عليهم الوقت لي خداو من حياتك لدابا 😒😒
- مني يجيك الملل هبطي دوري شري ليك شي حاجة واخا غير تقاشر ولا فلايل ديال الشعر ههههه 😤
- هدري مع شي بنت صاحبتك توحشتيها وشحاال مهدرتو وسمعي صوتها وقوليليها توحشتك وقطعي عليها -_-
- كتبي فشي ورقة كاع هاداكشي لي كتحلمي بيه وباغا تحققيه .. معندكش أحلام ماشي مشكل كتبي داكشي البسيط لي تبغي تغيري فحياتك ومن بعد الأحلام غا يبانو بوحدهم هههههه
وولصقيها فالحيط وكل نهار بقاي تقرايها الصباح وأكيد هاكداك كتاخدي الطاقة باش تعيشي يوم جديد ونتي بين عينيك أشنو باغا  👀
- صلحي علاقتك مع الله ..حنا ضايعين بزاف فعلاقتنا مع الله والحياة بعيد عليه كتكون قاصحة ومنقدروش نتحملوها .. مكتصليش بداي تصلي جربي تصومي شي نهار وجربي تنوضي مع الفجر تصليه فوقتو وجربي نتي دايزة من حدا شي واحد مفحالوش وتعطيه هاداكشي لي عندك وشوفي الفرق 💜
- بوسي لماماك وباباك يديهم مع الصباح قبل متخرجي وسمعي دعوة زوينة عاد خرجي تيقيني نهارك غادي يدوز زويين
- تعلمي للبلاي هههه 😂😂
- لي سولك كيف دايرا ؟ قوليليه والله ايلا بخير 😌 ✋ وضحكي ليا مع راسك حيت أصلا مغادي يفيدك بوالو وهاديك معليش ديالو يمشي ياكلها هههههه  😌
- متعيطيش لشي واحد عارفاه مغاديش يجاوب ومتسيفطيش لشي حد كيخلي ليك vu ومتمشيش تبقاي حاضيا بروفيل شي حد خرج من حياتك 😏
 بلا متشري الألم فابور كرامتك ونفسك غلى من هاكداك 😤

اتمنى استفادة للجميع.